الدكتور ذاكر لهذيب يطالب رئيسة الحكومة بطلب الدعم من فرنسا وامريكا

وجاء في نص تدوينته ؛

“باش نبداو واضحين من الاول وماتقولش فات الفوت وعامل الوقت والرياح والتيارات البحرية ضدنا ، سيدتي رئيسة الحكومة أطلبي دعم دولي من الان ، أطلبي دعم دولي استعجالي  .

راهي كان توصل  كميات الفيول الى خليج بوغرارة راهي انتهت الحياة البحرية في المنطقة لمدة عشرات السنوات .

راهو كان  يوصل التلوث الى بحيرة البيبان  ستنهار منظومة بيئية كاملة نهائيا.

راهو كان توصل الى سواحل جربة جرجيس راهو يلزمكم تعملوا علامة قاطع ومقطوع حمراء على خمسة مواسم سياحية او أكثر.

راهو تلوث خليج قابس سيعني مباشرة اختفاء انواع من الاسماك نهائيا من العالم ومنها التن الاحمر وبعض الانواع من القشريات .

سيدتي رئيسة الحكومة اطلبي العون من فرنسا والولايات المتحدة اكثر البلدان التي جابهت هذا النوع من الكوارث راهو ماهوش استنقاص من كفاءاتنا.”